Amhara Association of Oregon would like to invite all Amhara community and supporters to attend a virtual meeting on October 3rd 2026 at 8 pm. Miss it not!

በአማራ ክልል ያለው የሰብአዊ ቀውስ እየተባባሰ መሆኑ ኗሪዎቹ እየገለጹ ነው። በተለያዩ ብዙሃን መገናኛ አውታሮች በተለይም በማህበራዊ ሚዲያ አማካይነት ከስፍራው የሚደርሱ መረጃዎች እንደሚያሳዩት በአገዛዙ ከሚፈጸም የጅምላ የድሮንና የከባድ መሣሪያ ጭፍጨፋ በተጨማሪ በተለያዩ የክልሉ ወረዳዎች በከፍተኛ ድርቅ እየተመቱ ነው። እንስሳት የሚበሉት መኖ አጥተው እየሞቱ ነው፤ የተዘሩ ሰብሎችም ለፍሬ ሳይበቁ እየደረቁ ነው፤ ዝናብን ተስፋ አደርገው የታረሱ ማሳዎች ጦም አድረዋል። በርካታ ሰዎችም ቤታቸውን በመዝጋት ህይዎታቸውን ለማትረፍ ወደ ከተማ እየተሰደዱ ሲሆን የአገዛዙ አመራሮች “ገጽታን ያበላሻሉ” በማለት ወደ ዋና ዋና ከተሞች እንዳይገቡ በማድረግ በቀያቸው ሆነው ያለምንም እርዳታ እንዲሞቱ እየተፈረደባቸው መሆኑን ተዘግቧል። ድርቁ በአማራ ክልል በጎንደር ጠለምትና በዋግ ኽምራ ወረዳዎች ከፍተኛ ደረጃ ላይ መድረሱን በአካባቢው ያሉ ኗሪዎች የተናገሩ ሲሆን በሀገሪቱ የተከሰተው ድርቅ አድማሱን በማስፋት በትግራይና በአፋርም እንስሳት እየሞቱና ኗሪውም ቀየውን ለቅቆ እየተሰደደ መሆኑ ተዘግቧል። አፋጣኝ ድጋፍ ማድረግ ካልተቻለ ከፍተኛ የሆነ የሰብአዊ ቀውስ ሊከሰት እንደሚችል ተገልጿል። የዜጎችን ደህንነት የመጠበቅ ኃላፊነት ያለበት መንግስት ለሚያጎርሰው ሳይሆን  በጅምላ ለሚተኩሰው የጦር መሣሪያ ትኩረት ማድረጉ አሳዛኝ ነው ሲሉ በርካታ የሰብአዊ መብት ተሟጋቾች ያስረዳሉ።

የኢትዮጵያ ዘመን አቈጣጠር በዲያቆን ኃይለ ኢየሱስ ቢያ መስከረም  ፮ ቀን ፳፻፲ ዓ.ም የዘመን አቈጣጠር ዓመታትን፣ ወራትን፣ ሳምንታትን፣ ዕለታትን፣ ደቂቃን እና ድቁቅ ሰዓታትን በየሥፍራቸው (በየመጠናቸው) የሚገልጽ፤ የሚተነትን፤ የሚለካ የቤተ ክርስቲያን የቍጥር ትምህርት ነው፡፡ እነዚህ ዅሉ ተመርምረው፣ ተመዝነው፣ ተቈጥረው ሲያበቁ ምድብና ቀመር ተሰጥቷቸው የሚገኙበትን ውሳኔና ድንጋጌ የሚያሳውቅ የዘመን አቈጣጠር – ‹ሐሳበ ዘመን› ይባላል፡፡ ዓመታት፣ ወራት፣ ሳምንታት፣ ዕለታትና ሰዓታት የሚለኩት (የሚሠፈሩት፣ የሚቈጠሩት) በሰባቱ መሥፈሪያና በሰባቱ አዕዋዳት ነው፡፡ ሰባቱ መሥፈርታት የሚባሉትም፡- ሳድሲት፣ ኃምሲት፣ ራብዒት፣ ሣልሲት፣ ካልዒት፣ ኬክሮስ እና ዕለት ሲኾኑ ሰባቱ አዕዋዳት ደግሞ፡- ዐውደ ዕለት፣ ዐውደ ወርኅ፣ ዐውደ ዓመት፣ ዐውደ ፀሐይ፣ ዐውደ አበቅቴ፣ ዐውደ ማኅተም እና ዐውደ ቀመር ናቸው፡፡ ዐውደ ዕለት – ከእሑድ እስከ ቅዳሜ ያሉት ሰባቱ ዕለታት ሲኾኑ፤ አውራኅን (ወራትን) ለማስገኘት በዚህ ሲመላለሱ ይኖራሉ፡፡ ዐውደ ወርኅ – በፀሐይ ፴ ዕለታት፣ በጨረቃ ፳፱ ወይም ፴ ዕለታት ናቸው፤ ዓመታትን ለማስገኘት በዚህ ሲመላለሱ ይኖራሉ፡፡ ዐውደ ዓመት – በፀሐይ ቀን አቈጣጠር ፫፻፷፭ ቀን ከ፲፭ ኬክሮስ፤ በጨረቃ አቈጣጠር ፫፻፶፬ ቀን ከ፳፪ ኬክሮስ ነው፡፡ እነዚህ ሦስቱ በዕለት፤ አራቱ ደግሞ...Read More